Fudbaleri Mančester Junajteda ostvarili su novu pobjedu u premijer Ligi. Oni su na svom terenu savladali Sautempton sa 3-2. Soton je poveo pogotkom Valerija. U nastavku, Junajted je zaigrao bolje. Pereira je pogodio za 1-1 dok je Lukaku donio preokret Junajtedu. Vord Prauz pogodio je za 2-2. Kada je djelovalo da će Soton uzeti bod, Lukaku je pogodio za 3-2 i tri boda Junajteda.

Sa pobjedama je nastavio i Siti. Iako su odigrali veoma loše i indisponirano, savladali su u gostima Bormut sa 1-0. Jedini pogodak postigao je Rijad Marez. U ostalim susretima do pobjeda su došli Vulvsi, Brajton i Kristal Palas.

Vulvsi su sa 2-0 bili bolji od Kardifa. Brajton je sa 1-0 savladao Hadersfild. Gostujuću pobjedu ostvario je Palas, savladavši sa 3-1 Barnli.

Foto: Twitter